العودة   منتدى ينبوع > *:*:* الأقسام العامة *:*:* > منتدى القسم العام
منتدى القسم العام هنا توضع المواضيع العامه التي لا يوجد لها قسم


من يوميات مواطن غزاوي اثناء الحرب‏

منتدى القسم العام


إضافة رد
قديم 01-27-2009, 04:52 PM   المشاركة رقم: 1
معلومات العضو
عضو محترف

إحصائية العضو







 
 


التوقيت

التواجد والإتصالات
ابو انس غير متواجد حالياً

المنتدى : منتدى القسم العام
Angry من يوميات مواطن غزاوي اثناء الحرب‏

بسم الله الرحمن الرحيم

سبحان الله وبحمده سبحان الله العظيم





بكل عفوية.. وبروح مرحة ... يروي الشاب الغزاوي كيف يقضي يومه خلال الحرب...
اترككم معه..!!

ويقول:

واجا اليوم العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..

تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..

طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟

أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..

لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..

طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..

أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني..


ونشوفكم على خير..












عرض البوم صور ابو انس   رد مع اقتباس
قديم 01-27-2009, 07:17 PM   المشاركة رقم: 2
معلومات العضو

إحصائية العضو







 
 


التوقيت

التواجد والإتصالات
SNIPER غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

اخي ابو انس ان القلب ليحزن والعين تدمع على حكام امتنا العربية والاسلامية لفقدانهم الشرف وتمسكهم بالجبن ...
فان شعب غزه خاصة وشعب فلسطين عامة هم من يدافعون عن شرف الامة العربية والاسلامية ..هنيئا لشهدائنا الابرار فانتم السابقون ونحن اللاحقون ... واتمنى من الله العلي العظيم ان يشفي جرحانا ويرحم شهدائنا
وان النصر لقريب باذن الله تعالى












عرض البوم صور SNIPER   رد مع اقتباس
قديم 01-28-2009, 01:15 AM   المشاركة رقم: 3
معلومات العضو
عضو محترف
 
الصورة الرمزية نسمة فلسطين

إحصائية العضو







 
 


التوقيت

التواجد والإتصالات
نسمة فلسطين غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

اشكرك اخي ابو انس ع الموضوع












عرض البوم صور نسمة فلسطين   رد مع اقتباس
قديم 01-28-2009, 02:47 PM   المشاركة رقم: 4
معلومات العضو
عضو محترف

إحصائية العضو







 
 


التوقيت

التواجد والإتصالات
ابو انس غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

بصراحة اخ NASEEM-ALTORK هذا كلام اغلب الشباب هنا في غزة
يعني اصبح التفكير في المياه والكهرباء والحاجيات الاساسية للمعيشة فقط
هذا سقف التفكير وهذه الاشياء علي سلم الاولويات
اصبح لدينا مناعة من القصف واطلاق النار اصبحنا لا نبالي
ااااااااااااااااااخر شي لما الواحد بيزهق بيصير يعمل اشياء هامشية يعني بيطلع يتمشي يلعب مع الاطفال
انا عارف بيعين الله
حسبنا الله علي المتحكمين الحثالة
تحياتي للجميع والك اخ NASEEM-ALTORK واخت يارا ودمتم بود












عرض البوم صور ابو انس   رد مع اقتباس
قديم 01-28-2009, 10:55 PM   المشاركة رقم: 5
معلومات العضو
عضو محترف
 
الصورة الرمزية امير الرومانسية

إحصائية العضو







 
 


التوقيت

التواجد والإتصالات
امير الرومانسية غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

لا يسعني هنا سوى القول حسبي الله ونعم الوكيل على كل ظالم

وعلى كل الزعماء العرب المتخاذلين












عرض البوم صور امير الرومانسية   رد مع اقتباس
قديم 01-29-2009, 10:38 AM   المشاركة رقم: 6
معلومات العضو
عضو محترف
 
الصورة الرمزية قناديل العنب

إحصائية العضو






 
 


التوقيت

التواجد والإتصالات
قناديل العنب غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

مشكور على موضوعك

بارك الله فيك












عرض البوم صور قناديل العنب   رد مع اقتباس
قديم 01-30-2009, 12:21 AM   المشاركة رقم: 7
معلومات العضو
عضو محترف

إحصائية العضو







 
 


التوقيت

التواجد والإتصالات
ابو انس غير متواجد حالياً

كاتب الموضوع : ابو انس المنتدى : منتدى القسم العام
افتراضي رد: من يوميات مواطن غزاوي اثناء الحرب‏

مشكووووووووور اخ امير علي مرورك بمتصفحي ولا تحرمنا ردودك الجميلة
تحياتي الك اخت قناديل ولا تحرمينا مرورك خفيف الظل
تحياتي للجميع ودمتم بود












عرض البوم صور ابو انس   رد مع اقتباس
إضافة رد

مواقع النشر (المفضلة)


المواضيع المتشابهه
الموضوع كاتب الموضوع المنتدى مشاركات آخر مشاركة
يا عساني طير من كتر الزهق لؤلؤة المحيط منتدى المنوعات والاهداءات 4 05-16-2011 05:48 PM
مواطن فلسطيني هبة الله وطننا العربي 4 10-25-2010 06:29 PM
اضحك عشاني بس داليا منتدى النكت والفكاهة 7 11-25-2009 06:19 PM
يوميات مواطن غزاوي ههههههههههه ابو انس منتدى القسم العام 4 09-22-2009 12:49 PM
يوميات مواطن عربي رجل فقد ظله منتدى القسم العام 3 10-20-2007 03:12 PM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2019, Jelsoft Enterprises Ltd. yenbo3.com
*:*:* الأقسام العامة *:*:*| منتدى الـــرأي والـــرأي الآخـــر| منتدى القسم العام| منتدى بنات حواء| منتدى الصحة للجميع| المنتدى الأسلامي العام| *:*:* الأقسام الأدبية *:*:*| منتدى الشعــر والخواطـر| منتدى القصص والروايات| *:*:* الأقسام الترفيهية *:*:*| منتدى الترحيب بالأعضاء الجدد| منتدى المنوعات والاهداءات| منتدى التسالي والالغاز| *:*:* الأقسام التقنية *:*:*| منتدى الكمبيوتر والبرامج| *:*:* الأقسام الأسرية *:*:*| *** الأقسام ألادارية ***| منتدى الأقتراحات والشكاوي| إقرأ القرآن الكريم من النت وقلب صفحاته| منتدى غرائب وعجائب| منتدى النكت والفكاهة| مطبخ حواء, طبخ عربي| منتدى الجوال| منتدى تكنولوجيا الحلول المتكاملة| منتدى الصور المنوعة| منتدى الشخصيات العربية والعالمية| الألعاب الألتكرونيه pc والبلاستشين والعاب الكمبيوتر| منتدى الحكم والامثال الشعبية| منتدى طلبات الترشيح للإشراف| منتدى القرارات الادارية| صوتيات و مرئيات و فلاشات إسلامية| *:*:* قسم تطوير المواقع والمنتديات*:*:*| منتدى الهاكات والاضافات| منتدى ستايلات المنتديات| منتدى تطوير المواقع والمنتديات| منتدى الرياضة| منتدى المواضيع المكرره| *:*:* القسم الاسلامي *:*:*| منتدى الرسول الكريم وصحبته الكرام| صور اسلامية| منتدى الأخبار المثيره و عالم الجريمة| منتدى الديكور و الأشغال اليدوية| منتدى عالم أدم| منتدى الماسنجر| *:*:* القسم الفلسطيني*:*:*| المنتدى الفلسطيني العـام| منتدي الشهـداء والأســري الأبطـال| الأناشيد الوطنيه والأغاني الثوريه للفصائل الفلسطينيه| *:*:* قسم الشؤون العربية*:*:*| وطننا العربي| قسم ابداعات الأعضاء| منتدى ثغـــرات المنتديات| المجلات الإلكترونيه وبرامج إدارة المحتوى| قسم الحياة الزوجية والاسرة| منتدى عالم الطفل| *:*:* قسم برامج التصميم، ودروسها، والتصوير، والمونتاج*:*:*| :: منتدى التصميم العام المنوعة ::| :: منتدى الفوتوشوب ::| :: دروس الفوتوشوب ::| :: ملحقات وبرامج الفوتوشوب ::| :: الملفات المفتوحة ::| :: منتدى السويش ماكس ::| :: دروس السويش ماكس ::| :: كماليات وبرامج السويش ::| :: معرض تصاميم الأعضاء ::| :: تصاميم الاعضاء::| :: صور للتصميم ::| منتدى عدسة الاعضاء - والتصوير الفوتوغرافي| منتدى كرسي الاعتراف| منتدى فضفضة| الخيمة الرمضانية| العلاج الطبيعي| منتدى برودكاسات البلاك بيري| منتدى المواضيع العامة المميزه| برمجيات شبكة الحان القمر| المائده الرمضانيه| منتدى ويندوز 8 Windows| منتدى ويندوز 7 Windows| منتدى ويندوز Windows xp| قسم الانترنت | Internet| منتدى البرامج الخدمية و المحادثة | utilities & chat Programs| منتدى المواقع المفيده | Useful websites| منتدى الفيس بوك | Facebook| متصفحات | Browsers| منتدى شروحات البرامج| منتدى اليوتيوب والفيديو | YouTube| قسم الاعلانات المجانية|